Furacu al centru la Tierra

Maxinemos que ficieramos un túnel en llínea recta hacia abaxu, atravesando’l centru la Tierra y saliendo esactamente pol estremo opuestu.
Con esti túnel, cabe entrugase qué pasaría si nos tirásemos por él. Pero pa ello, hai que baraxar dos posibilidaes que traen resultaos diferentes: si dientru del túnel hai aire o non.

Col túnel ensin aire

Si non hai aire dientru del túnel, entós nun hai rozamientu durante la caída, polo que la persona que se tire comenzará a ganar rápidamente velocidá a medida que desciende pol túnel.
Cuando vaya acercándose al centru la Tierra, podrá observar como l’aceleración que sufre va disminuyendo, aunque ensin dexar de ganar velocidá. Esto ocurre debido a que la gravedá con que nos atrae la Tierra ye proporcional a la masa d’ésta, pero al tar en so interior, la gravedá con que nos atrae se debe únicamente a la masa que ta más interna a nosotros, nun afectando pa nada la masa que dexamos “arriba”.
Debiu a esto, xustu cuando te nel centru, nun notará nenguna gravedá, polo que flotará como cualquier astronauta nel espaciu.
Dempués de pasar el centru, comenzará a frenase ya qu’agora la gravedá-y atrae hacia atrás, aunque nun conseguirá pararlu hasta que llegue a la salida del túnel.
Al final, tardará unos 42 minutos en llegar al otru estremu, pasando pol centru con una velocidá de unos 28.000 Km/h (cálculos realizaos utilizando una aprosimación de densidá uniforme na Tierra).

Con aire dientro del túnel

Agora comentaremos el casu más “probable”, onde hai aire dientru’l túnel. Nesti casu, nuestru valiente intrépidu sufrirá la fuercia del vientu a medida que gana velocidá, lo que fai que tenga una velocidá llímite (másima), que pa nuesa atmósfera (na superficie) y pa una persona, ye d’unos 200 Km/h.
Polo tanto, cuando llegue a esta velocidá nun acelerará más, continuando su caída a velocidá constante. Esto fai que cuando pase’l centru la Tierra, se frene rápidamente, polo que volverá hacia atrás antes de llegar al otru estremu, y realizará cada vez desplazamientos más pequeños respectu al centru, polo que al final acabará deteniu nel centru la Tierra, d’onde nun podrá salir.


Problemes olvidaos: interior de la Tierra

Hasta equí, vimos como sería’l movimientu d’alguien que cayese a un furacu qu’atravesase la Tierra. Ensin embargu, hai dos puntos que nun se tuvieron en cuenta. El primeru d’ellos, l’interior de la Tierra.
Tola “roca” o parte sólida que conocemos ta na corteza de la Tierra, la cual ye una fina capa que ta nel esterior del planeta, de non más d’unos 70 Km d’espesor (en comparación, si la Tierra fuera una mazana, nuesa corteza sería más fina que la cáscara de dicha mazana).
Más adientru de la corteza, ta’l mantu, fundiu en so mayor parte, y nel interior el núcleu, de fierro llíquidu y sólidu (en so parte central). Equí se tien una temperatura d’hasta 5.000 ºC y una presión d’unos 350 GPa (más de 3 millones de vegaes la presión de l’atmósfera), polo que cualquiera que pudiera atopase ellí quedaría automáticamente desintegrau.

Problemes olvidaos: la rotación de la Tierra

L’otru gran problema ye la rotación de la Tierra. Tolos puntos de la Tierra (aprosimadamente) dan una vuelta al cabu d’un día. Ensin embargu, dau que la corteza atopase a una distancia mayor al centru que’l mantu, ésta tien que movese a una velocidá mayor pa que nel mesmu tiempu (un día) de una vuelta completa.
Esto ye importante ya que’l que se tire pol túnel, llevará una velocidá igual a la de la corteza (equí solo tamos teniendo en cuenta la componente de la velocidá perpendicular a la del túnel, y non la que tien direción hacia’l centru de la Tierra). Asina que al caer, verá como se va acercando a les paredes del túnel.
Por esto, l’aventureru nun tendría tampocu una caída llimpia siempre pol centru del túnel, sinon qu’iría chocándose continuamente coles paredes d’éste, faciendu’l viaxe aún más complicáu.