Filosofía

Les cabeces más sensates tienen suaños (más) estravagentes [...] que los llocos qu’encerramos nos manicomios. Los oxetos de los suaños apaecen comu s’estuvieren presentes nos sentios esternos; se cree que faunos y sátiros son vistos, que s’oye l’árbol que fala o el ríu. ¿D’onde vien too eso? Del fechu que l’ación de los sentios ye interrumpida y que’l maxín domina. Lo mesmu puede ocurrir con aquellos que tán despiertos si, a causa dalgún mieu o dalguna emoción poderosa, los actos de la maxinación asumen un poder más grande que los de la visión y de l’audición (apud Manuel: 1957, 37)


Si l’home nalguna parte resuelvese nuna infinidá d’homes pequeñinos ún debe sentir menos miéu en morrer; la pérdida d’un home ye ehí tan fácilmente reparada que debe causar poca pena (Diderot: 1831, 892)


Los órganos producen les necesidaes y recíprocamente les necesidaes producen los órganos (Groethuysen: 1913, 898)


La vida (ye) una secuencia d’aciones y de reaciones. Vivo, actúo y reaciono comu masa... muertu, actúo y reaciono comu molécules... Entós, ¿nun muero? Non, ensin duda; neste sentíu nun muero, nin yo, nin quien quiere que seya. Nacer, vivir y pasar ye camudar de formes...¿Y qu’importa una forma o otra? Cada forma tien la felicidá y la infelicidá que-y ye inherente. Dende l’elefante hasta’l pulgón... dende’l pulgón hasta la molécula sensible y viva, orixen de too, nun hai puntu en tola naturaleza que nun sufra o no goce (ib., 900)


El maxín ye la memoria de les formes y de los colores. L’espectáculo d’una escena, d’un oxetu fai necesariamente subir l’instrumentu sensible d’una cierta manera; él sube o por él mesmu o por dalguna causa esterna. Entós vibra por dientru o resuena por fuera; rexistra en silenciu les impresiones que recibió o les manifiesta por sones adecuaos (ib., 931)


Pensar implica esistir.
Falar nun implica comunicar.
Falar implica ofender a veces.
Falar nun implica pensar.
¿Pienso lo que falo o falo lo que pienso?
Si falo lo que pienso ... :
Falo, entós ofendo (a veces), entós
Pienso, entós ofendo (a veces), entós
Esisto, entós ofendo (a veces).
A veces s’ofende por dicir lo que se piensa. A veces por pensar ciertes coses ofendes a munchos. A veces ofendes porque piensas lo que piensas. Si eso se convierte nuna zuna, ye fácil ofender por esistir.
Ye por eso polo qu’aquel/aquella que piensa llibre supón un problema pa la sociedá, pero los que piensan como la mayoría (nun piensan) gozan de la tranquilidá.
¿Y si pienso lo que falo? Entós doime cuenta de que digo munchas tonteries. (Isaz)