Esta clase social, cuyo orixen se remonta a la Europa feudal, se convirtió nel xermen d’un nuevu mundu col desarrollu del capitalismu. Dicha transformación culminó ente los sieglos XVII y XIX, por medio de les revoluciones burgueses.
So FormaciónOrixinalmente, el términu burguesía calificaba tan sólo a los habitantes de les ciudaes (burgos) de la plena Edá Media, derivando más tarde hasta englobar a una clase social carauterizada pola so actividá económina non agrícola. Palos marxistes, esta clase social yera la dominate nel xeitu de produción capitalista, poseedora de los medios de produción, gracies a lo cual podía acumular les plusvalíes xeneraes pol trabayu asalariáu de los proletarios.
La teoría sociolóxica, dende M. Weber y W. Sombart, contempla a la burguesía como la clase social que, animada d’un espíritu nuevu, onde primen l’individualismu, l’esfuerzu personal, la innovación y l’afán de lucrase, transforma’l mundu feudal nel que nace, hasta conseguir la plena implantación del capitalismu y l’estáu lliberal.
De toles formes, esta clase social nun constituye un grupu homoxéneu, sinon que se dan grandes diferencies ente una alta burguesía, compuesta polos capitalistes dueños de los medios de produción, que rixen la vida política y económica de los estaos lliberales, y una pequeña burguesía de profesionales lliberales, empleaos medios y pequeños propietarios y comerciantes que, aunque con munchos rasgos ideolóxicos y culturales cola anterior, atopase más cerca del proletariáu por so renta y so posición social y política. El fechu ye que’l conu de burguesía ye mui grande, y tuvo distintos significaos y matices a lo llargo de la hestoria.
Nacimientu y consolidación de la burguesíaAunque ya na Antigüedá esistieron homes de negocios dedicaos a les actividaes mercantiles y manufactureres y vinculaos al mundu urbanu, l’importante papel de los aparatos públicos nes actividaes económiques nun solía dar munchu marxen pala iniciativa privada, polo que nun podemos falar de burguesía propiamente dicha. Na Europa ocidental, el crecimientu económicu y demográficu esperimentáu a partir del sieglu XI permite l’asentamientu d’una población cada vez más numberosa nes ciudaes, tanto antigues como de reciente fundación (burgos).
Estos burgueses s’especialicen en actividaes artesanes y cantiles, que pronto-yos proporcionen una fuercia económica suficiente pa presionar sobre los señores feudales, de los qu’obtuvieron llibertaes xurídiques, autonomía alministrativa y proteción pa sos actividaes. Ensin embrago, nun consiguieron distinguirse xurídicamente de la mayoría campesina de la población, y l’esquema social feudal, basáu na división en tres órdenes o estamentos (nobles, eclesiásticos y estáu llanu) mantuvose inalteráu. Esto nun impidió que dientru del mesmu grupu burgués se produxera una creciente estratificación, sobre too a partir del sieglu XIII, diferenciándose les oligarquíes de grandes comerciantes y banqueros que normalmente controlaben los gobiernos municipales, integráu por artesanos, sirvientes y pequeños comerciantes.
La oposición d’intereses ente ambos grupos dio llugar a l’aparición de conflictos durante la baxa Edá Media (rebelión de los ciompí en Florencia, Busca contra Biga en Barcelona, etc.). Además, esa oligarquía burguesa s’asimila progresivamente a la nobleza terrateniente, cuyo estilo de vida copia y cuyo estatus social codicia. Dende fines de la Edá Media y durante tola Edá Moderna, munches families burgueses entronquen cola nobleza (mediante casamientos con families aristocrátiques emprobecies), o aceden a esa condición mediante la compra de cargos o tierres vinculaes a títulos, convirtiéndoses en rentistes y asumiendo los valores conservadores de la clase noble. Otru xeitu d’ascender socialmente yera mediante’l serviciu na creciente burocracia estatal que les monarquíes autoritaries taben desarrollando. Los monarques preferíen emplegar na so alministración a lletraos procedentes de la clase media burguesa, en llugar de a los miembros de l’alta nobleza, susceptibles de desafiar so poder.
De tolos xeitos, los burgueses non ennoblecios siguieron perteneciendo al estáu llanu, y normalmente yeren ellos los qu’acaparaben so representación nes Cortes y otres instituciones representatives d’orixen medieval, a los que los reis del Antiguo Réximen recurríen lo menos posible, sólo cuando estaben neceseitaos de financiación estraordinaria.
La espansión mercantil europea desarrollada a partir del sieglu XVI, col descubrimientu y colonización de nuevos y vastos territorios ultramarinos y l’apertura de nuevos mercaos, proporcionó unes inmenses posibilidaes d’enriquecimientu a la burguesía. Pero’l mantenimientu de les estructures tradicionales impidía-y un papel social y políticu acorde col so poder económicu. A partir del sieglu XVI produxose un cambiu de mentalidá, cola difusión de nueves idees: l’humanismu, el racionalismu y inclusu la ética protestante, transformaciones ideolóxiques, filosófiques y culturales qu’atopen culminación na Ilustración, que tuvo na burguesía a so principal valedora beneficiaria. Se santificó l’ésitu nos negocios y les ganes de ganar cuartos, como signo del divino y como contribución a la prosperidá xeneral. L’individualismu y la igualdá ente homes s’elevaron a la categoría de dogmes, contradiciendo los privilexios estamentales qu’impedía a la burguesía desempeñar un papel destacáu na vida pública. Por últimu, el apoyu al progresu científicu y técniques a la mentalidá racionalista, tamién na economía, oponíanse a les vieyes estructures productives (gremios) y comerciales (mercantilismu), que constituíen una parada al pleno desarrollu del capitalismu, el nuevu sistema socioeconómicu que foise xestando coles actividaes de la burguesía.
Les revoluciones burguesesToes eses estructures económiques y sociales anticuaes encontraben so espresión nel sistema políticu de les monarquíes absolutistes. La burguesía utilizaba, en so beneficio’l descontentu de gran parte del estáu llanu, l’estamentu non privilixiáu, qu’incluía dende los más probes xornaleros hasta los banqueros o comerciantes más ricos. La serie de revoluciones iniciada en Inglaterra (1642-48 y 1688), Norteamérica (1773-83) y Francia (1789), y estendida durante’l sieglu XIX al restu d’Europa, significó l’abolición del Antiguo Réximen y la instauración del estáu xeneral burgués, la sociedá de clases y el capitalismu industrial.
Esta transformación social, económica y política sirvió especialmente a los intereses de la gran burguesía capitalista, convertida en clase dominante. La revolución Industrial iniciada na segunda mitá del sieglu XVIII en Inglaterra daría llugar al desarrollu d’un nuevu sector económicu. Los capitales acumulaos pol comerciu fueron invertios nes nueves fábriques, onde s’emplegaba a la mano d’obra d’una población agraria orientada al mercáu que quedó ensin tierres. La nueva economía industrial, cuyos medios de produción tan nes manes de la burguesía capitalista, transformase nel motor del desarrollu de los estaos ocidentales.
El poder económicu conviertese na pauta que marca les divisiones y xerarquíes de la nueva sociedá de clases. Producese entós la clara separación de la burguesía y les clases trabayadores, que nun tienen aceso a los bienes de produción nin al repartu de la riqueza xenerada pol so trabayu. La recompensa qu’obtien el proletariáu por apoyar les revoluciones burgueses ye’l pagu d’un salariu pol so trabayu, priváu de voz nos mecanismos económicos y políticos.
El fin de la burguesía revolucionariaA partir d’esi momentu, l’antigua burguesía revolucionaria conviertese nuna clase conservadora. Primanse los valores del orden (además de los de familia, el trabayu y el aforru), defiendese a ultranza la propiedá privada, y s’intenta restrinxir aceso de les clases populares al poder políticu (sufraxu censitariu). De vez en cuando, la presión popular nos movimientos revolucionarios (revoluciones de 1848 o la Comuna de París de 1871), y corrientes como’l socialismu intenten despertar la conciencia de clase del proletariáu y organizarlu pa lluchar por meyorar so posición.
Ante esto, la burguesía responde con concesiones qu’intenten integrar a les clases populares nel sistema, instaurando’l sufraxu universal, estendiendo so ideoloxía mediante la educación nacional, y creando’l mitu según el cual, nuna sociedá de clases “abierta”, cualquier individuo ye capaz, por méritu esfuerzu, de meyorar so condición. Nel sieglu XX, la evolución económica y social de los países más desarrollaos favorece l’aparición d’una amplia clase media o pequeña burguesía, que nun ta definida tonto pola propiedá de los medios de produción como por so formación cultural y técnica, que-y permite desempeñar los puestos intermedios de l’alministración pública y empresarial. Por otru llau, producese tamién una elevación del nivel de vida y formación de les clases trabayadores, cuyos miembros más cualificaos se confunden colos estratos inferiores de la clase media (“aburguesamientu” de la clase obrera).
Al mesmu tiempu, la difusión d’unos hábitos culturales y de consumu homoxéneos por parte de los medios de comunicación propicia l’aparición d’una “sociedá de mases” o de consumidores, que pretende desdibuxar les fronteres ente clases.
.jpg)
