NON A LES CORRIDES DE TOROS

¡Por fin! En Catalunya prohibieron les corrides de toros, ¡a ver pa cuando nel restu!

Campu magnéticu terrestre

El campu magnéticu terrestre presente na Tierra nun ye equivalente a un dipolu magnéticu col polu S magnéticu cercanu al Polu Norte xeográficu, y, col polu N del campu magnéticu cerca del Polu Sur xeográficu, sinon más bien presenta otru tipu especial de magnetismu. Ye un fenómenu natural orixináu polos movimientos de metales llíquidos nel núcleu del planeta y ta presente na Tierra y en otros cuerpos celestes como’l Sol.

Estiendese dende’l núcleu atenuándose progresivamente nel espacio esterior (ensin llímite), con efectos ellectromagnéticos conocios na magnetosfera que nos protexe del vientu solar, pero qu’además permite fenómenos mui diversos como la orientación de les roques nes dorsales oceániques, la magnetorrecepción d’algunos animales y la orientación de les persones mediante brúxules.

Una brúxula apunta na dirección Sur-Norte por tratase d’una aguya imantada inmersa nel campu magnéticu terrestre: dende esti puntu de vista, la Tierra se comporta como un imán xigantescu y tien polos magnéticos, los cuales, na actualidá, nun coinciden colos polos xeográficos.
El Polu Sur Magnéticu s’atopa a 1800 kilómetros del Polu Norte Xeográficu. En consecuencia, una brúxula nun apunta esactamente hacia’l Norte xeográficu; la diferencia, medida en graos, nomase “declinación magnética”. La declinación magnética depende del llugar d’observación, por un casu actualmente en Madrid ye aprosimadamente 3º oeste. El polu Sur magnéticu ta desplazándose pola zona norte canadiense en dirección hacia’l norte d’Alaska.

Variaciones del campu terrestre

El campu magnéticu de la lluna varía nel cursu de les eres xeológiques, ye lo que se denomina “variación secular”. Según se comprobó por análisis de los estratos al considerar que los átomos de fierro contenios tienden a allinearse col campu magnéticu terrestre. La dirección del campu magnéticu queda rexistrada na orientación de los dominios magnéticos de les roques y el llixeru magnetismu resultante se puede medir.

Midiendo’l magnetismu de roques situaes en estratos formaos en periodos xeolóxicos distintos s’elaboraron mapes del campu magnéticu terrestre en diverses eres. Estos mapes muestran qu’habó époques en que’l campu magnéticu terrestre disminuyó a cero pa llueu invertirse.

Durante los últimos ocho mil años s’efectuaron más de vente inversiones, la más reciente fai 700.000 años. Otres inversiones ocurrieron fai 870.000 y 950.000 años. L’estudiu de los sedimentos del fondu del océanu indica que’l campu estuvo prácticamente inactivu durante 10 o 20 mil años, fai poco más d’un millón d’años.

Nun se puede predicir cuándo ocurrirá la siguiente inversión porque la secuencia nun ye regular. Ciertes mediciones recientes muestren una redución del 5% na intensidá del campu magnéticu nos últimos 100 años, fechu qu’estima que’l campu magnéticu terrestre prácticamente desaparecerá dientru d’unos 1500 años aprosimadamente. Na Anomalía del Atlántico Sur, la fuercia del campu magnéticu ta disminuyendo diez veces más rápidu que en otros llugares.

Magnetismu planetariu

El magnetismu ye un fenómenu estendíu a tolos átomos con desequilibriu magnéticu. L’agrupación de dichos átomos produz los fenómenos magnéticos perceptibles, y los cuerpos estelares, los planetes ente ellos, son propicios a tener les condiciones pa que se desarrolle un campu magnéticu d’una cierta intensidá. Nel interior de los planetes, l’acumulación de materiales ferromagnéticos (como fierro) y so movimientu diferencial relativu respecto a otres capes del cuerpu inducen un campu magnéticu d’intensidá dependiente de les condiciones de formación del planeta. Nel mesmu siempre se distinguen los dos polos, equivalentes a los d’un imán normal.

Nel casu de la Tierra, la zona na que se mueve ta influenciada pol campu magnéticu solar, pero’l propiu campu magnéticu terrestre crea como una burbuxa, la magnetosfera terrestre, dientru del anterior. Dicha burbuxa tien una capa llímite ente so influencia y la solar (magnetopausa) que ye aprosimadamente esférica hacia’l Sol, y allargada hacia’l sistema solar esternu, acercándose a la superficie terrestre nos polos magnéticos terrestres. La interación en constante evolución ente ambos campos magnéticos y les partícules cargaes provenientes del Sol produz fenómenos como les aurores (boreales o australes) y la interferencia nes comunicaciones por ondes ellectromagnétiques, asina como alteraciones nos satélites artificiales en órbita.

El núcleu de la Tierra

El núcleu de la Tierra ye so esfera central, la más interna de les que constituyen la estructura de la Tierra. Ta formáu principalmente por fierro (Fe) y níquel (Ni). Tien un radiu de 3.486 Km, mayor que’l planeta Marte. La presión en so interior ye millones de vegaes la presión na superficie y la temperatura puede superar los 6.700 ºC. Consta de núcleu esternu, llíqudu y núcleu internu, sólidu.

Formación

Durante so formación fai unos 4.500 millones d’años, la Tierra pasó por una etapa de fusión lo que permitió que, debíu a la gravedá, que los materiales más densos se fundieran hacia’l centru, mientres que los más llixeros flotaron hacia la corteza, un procesu nomáu “diferenciación planetaria”. A causa d’esto, el núcleu terrestre ta compuestu en so mayor parte de fierro (80%), xuntu con níquel y varios elementos pesaos; otros elementos químicos densos, como’l plomo o l’uranio, o son demasiaos raros na Tierra o son propensos a combinación química colos elementos más llixeros, y por tanto permanecen na superficie.
Orixen del calor interno de la Tierra
La temperatura de la Tierra aumenta cola profundidá, fenómenu conocíu como “gradiente xeotérmicu” y so centru puede superar los 6.700 ºC, más caliente que la superficie del Sol; suponse que los tres factores que contribuyeron al calor interno de la Tierra son los siguientes:
• El calor lliberáu pola colisión de partícules durante la formación de la Tierra.
• El calor emitíu cuando el fierro cristalizó pa formar el núcleo internu sólidu.
• El calor emitíu pola desintegración radiactiva de los elementos, en especial los isótopos radiactivos d’uranio (U), torio (Th) y potasio (K).
Solo’l tercer factor permanece activo, y ye muncho menos intenso que nel pasáu; la Tierra irradia al espaciu más calor del que se xenera en so interior, polo que s’enfría llenta pero continuamente.

Característiques

La densidá media de la Tierra ye de 5.515 kg/m3, la mayor del Sistema Solar. Dau que la densidá media de los materiales de la superficie oscila ente 2.600 y 3.500 kg/m3, deben esistir materiales más densos nel núcleu del nuesu planeta. La sismoloxía aporta otres evidencies de l’alta densidá del núcleu. Calculase que la densidá media del núcleu ye de 1.100 kg/m3.
Los meteoritos aporten datos sobre la composición del núcleu, ya que se cree que son restos del material a partir del cual se formó la Tierra. Hai meteoritos rocosos formaos por roques similares a les peridotites y meteoritos metálicos compuestos por fierro y níquel; los primeros se consideran similares a les roques que formen el mantu terrestre, mientres que los segundos se supon que son representativos de la composición del núcleu. Según los últimos datos, el núcleu se compon de fierro con 5-10% de níquel y menores cantidaes d’elementos más llixeros, tal vez azufre y osíxeno.

Subdivisiones del núcleu

Los datos sísmicos muestren que’l núcleu ta dividíu en dos partes, un núcleu esternou llíquidu d’aproximadamente 2.270 km de grosor y un núcleu internu sólidu con un radiu d’unos 1.220 km; ambos tan separaos pola discontinuidá de Lehmann.

Núcleu esternu

Se cree que’l núcleu esternu ye llíquidu y ta compuestu de fierro mezcláu con níquel y pocos rastros d’elementos más llixeros. La mayoría de los científicos cree que la conveción del núcleu esternu, combinada cola rotación de dicho núcleu causada pola rotación de la Tierra (efectu de Coriolis), causen el campu magnéticu terrestre a través d’un procesu esplicáu pola hipótesis de la dínamu.

Núcleu internu

El núcleu internu sólidu foi descubiertu en 1936 por Inge Lehmann y se cree que ta compuestu principalmente por fierro y daqué de níquel; algunos científicos piensan que podría tar na forma d’un solo cristal de fierro. Especulaciones recientes suxieren que la parte más interna del núcleu ta enriquecida por elementos mui pesaos, con númberos atómicos por encima de 55, lo que incluiría oro, mercurio y uranio.
El núcleu internu sólidu ye demasiáu caliente como pa sostener un campu magnéticu permanente (debíu a la temperatura de Curie) pero probablemente actúa como un estabilizador del campu magnéticu xeneráu pol núcleu externu llíquidu.
Evidencies recientes suxieren que’l núcleu internu de la Tierra podría rotar llixeramente más rápidu que’l restu del planeta. En agostu de 2005 un grupu de xeofísicos anunció na revista Science que, d’acuerdu con sos cálculos, el núcleu internu de la Tierra rota en direción oeste a este aprosimadamente un grau por añu más rápido que la rotación de la superficie; asina, el núcleu fae una rotación extra aprosimadamente cada 400 años.